قصيدة جميلة بعنوان [مســـاء الـــدمع]:

صالح الخشرم · 08-09-2008, 08:34 PM

[مســـاء الـــدمع]

انا شاعـر وأبكـي كـل حـرفٍ داخـل ابياتـي
وأسيّل كـل بيـت اليـا كتبتـه دمعـة ٍ تقهـر
يلوموني على جـرحٍ ربـا عاميـن فـي ذاتـي
يقولون:الالم عاده..وانـا جرحـي معـي يكبـر
مسـاء الدمـع ياوقـتٍ تبـسّـم لإنكسـاراتـي
تـرى مـلّ القلـم منـك..ولا ملّيـت هالدفتـر
امانـه ياحـزن كانـك تمـر بـدرب ضحكاتـي
تبلغها العزاء عنـي مـن اكبـر سـن للأصغـر
انـا الشامـخ ولكنـي كسيـر جنـاح ونـاتـي
انا المطعون في رمح الزمن والسيـف والخنجـر
تضيع أيام من عمـري شتـات وغيرهـا تاتـي
وأقضيهـا أمانـي والامانـي ياعلـي تخـسـر
تعـال وفتـش ضلوعي..تبـي تلقـى معاناتـي
قسم بالله ذاب ايمن خفوقـي وإنكـوى الأيسـر
تعبت أنزف شرف ماضي سنيني وأخسر الآتـي
وانا كلي علـى بعضـي بشر..إذنـب وإستغفـر
تعلمـت أكتـب احزانـي قصايـد ليـل طعناتـي
وعجزت أعرف سبب جرحٍ نقلته وأعرف المصدر
دخيل الصمـت يابوحي..تنفّـس مـن عباراتـي
همومي ظاميـه جتني..وجرحـي عـلّ ماصـدّر
سـلام الكبريـاء يادمعتـي يامنـبـع آهـاتـي
انا راضـي بمـا جاني..فهـو مكتـوب ومقـدّر [/center]

تركي · 09-09-2008, 02:38 AM

اقتباس:


	سـلام الكبريـاء يادمعتـي يامنـبـع آهـاتـي انا راضـي بمـا جاني..فهـو مكتـوب ومقـدّر