يابو عهد جهِّز جديد القوافي . ( محاورة )

سعد الثابتي · 28-12-2008, 10:04 PM

الموال :

يابو عـهد جـهِّز جديد القوافـــي

خابرك رجل(ن) بالمواقيف وافي

يامرحـبا بك عــدِّ رمل الــفيافي

لا والله إلا راح لبــــنان فـــــيها

الشيلة :

مــــبداي باســم الله رب الســــموات
ياســــيِّد الأفـــكار حـــنا بـــــديـــنا

تمسك معي في تالي الليل مسكات
واســــري مـــع الحــضار والغايبيــنا

عبدالمجيد · 28-12-2008, 10:37 PM

أن أشهد أنك شااعر ... ووين أبو عهد عشان يرد ...

ماـفي · 28-12-2008, 10:47 PM

عاش أبو ثابت شعللها ،،

حميد الشمري · 29-12-2008, 04:00 PM

صح لسانك أبو مقبل ( وين الناس )؟

الحايلي · 29-12-2008, 04:08 PM

صح لسانك أبو ثابت

وبتتظار رد أبو عهد

مختلــــــــــف · 29-12-2008, 07:08 PM

استلم لاهنت

برقٍ سطع فوق الجبال الرواسي
وزخ القوافي تمطره فوق راسي
اهلا هلا بك كثر ماشفت ناسي
لا والله إلا راحت الناس فيـها

.......

ابو معـاذ اليوم جاب الجزيلات
ينطر متى الموضوع ينزل بدينا
يابومعاذ اشكيك من هول مافات
غـزه تدمر والعـرب جالسينا

سعد الثابتي · 29-12-2008, 10:49 PM

صح لسانك , واستلم :

شفت الشعر بالجوّ لاحت بروقه
ينسـاق في غزَّه وحنّا نســوقه
والــدمِّ يارجـــــال فجّـــر عروقه
لا والله إلا حــــان ربـط المـحازم

كل العرب صاروا مع عداد الأمـــوات
جرح (ن) قديم(ن) من نزيفه شكينا

حنَّا ندردش ياصحيبي على الشات
وأطـــفال غـزة عونهــم ما بغــــينا

سعد الثابتي · 29-12-2008, 10:55 PM

(( عبدالمجيد ))

الله يعطيك العافية على المتابعة والمرور .

(( ملفي ))

تعيش وتبقى يالغالي .

(( آخر العشاق ))

صح بدنك يالزعيم .

(( الحايلي ))

صح بدنك أبو بيان وأهلين , منورنا بوجودك .